+ + +
Владыко Вседержителю, Врачу душ и телес наших,
смиряяй и возносяяй, наказуяй и паки исцеляяй!
Раба Твоего ДИМИТРИЯ немощствующа посети милостью Твоею,
простри мышцу Твою, исполнену исцеления и врачбы,
и исцели его, восстави от одра и немощи.
Запрети духу немощи,
остави от него всяку язву, всяку болезнь, всяку огневицу и трясавицу,
и еже есть в нем согрешение или беззаконие, ослаби, остави, прости
Твоего ради человеколюбия.
Ей, Господи, пощади ДИМИТРИЯ - создание Твое во Христе Иисусе, Господе нашем,
с ним же благословен еси,
и со пресвятым и благим и животворящим Твоим Духом, ныне и присно и во веки веков.
Аминь.
Все святии Ангелы Господни, молите Бога о больном рабе Его ДИМИТРИИ.